25.04.2019
Чурапчы улууһун олохтоохторун, эдэр ыччатын болҕомтотугар! Россия Федерациятын Генеральнай прокуратурата норуоттар ыккардыларынааҕы “Бары бииргэ коррупция утары!” күрэх
арыллыбытын туһунан иһитиннэрэр. Күрэх Судаарыстыбалар икки ардыларынааҕы коррупцияны утары үлэлиир Сэбиэт чилиэннэрин (Россия, Армения,
Беларусь, Казахстан, Кыргызстан, Таджикистан оҕолорго анаан тэриллэр) уонна БРИКС суударыстыбаларын (Бразилия, Россия,
Индия, Китай, ЮАР) 14-тэн 35-тэригэр диэри саастаах ыччакка анаан
ыытыллар. Күрэххэ 14-тэн 35-тэригэр диэри саастаах ыччат “Бары бииргэ коррупция
утары!” тиэмэлээх плакааттары уонна видеороликтары тиксэрэргэ ыҥырыллар. Күрэх үлэлэрэ былаас араас таһымыгар уонна олох эйгэтигэр коррупцияны
утары охсуһуу аныгы механизмын уонна бу хайысханан норуоттар бииргэ
үлэлээһиннэрин суолтатын уонна оруолун сырадатыахтара диэн күүтүллэр. Кылгастык
быһаардахха, 2008 сыл тохсунньу 25 күнүнээги “Коррупцияны утарылаһыы”
Федеральнай Сокуон 1 ыстатыйатыгар ыйылларынан коррупция диэн сулууспа балаһыанньатын сиэрэ суохтук (бэйэ туһугар) туһаныы,
бэрик биэрии уонна ылыы, болономуочуйаны сиэрэ суохтук (бэйэ туһугар) туһаныы,
кэммиэрчэскэй бэрик биэрии эбэтэр физическэй сирэй дуоһунастаах балаһыанньатын
атыннык сокуоннайа суохтук уопсустуба уонна судаарыстыба интэриэһин утары
бэйэтэ эбэтэр үһүс дьон харчы, атын сыаннастар, үп, өҥө эбэтэр атын үп бырааптарын ыларын туһугар туттуута, эбэтэр ыйыллыбыт
туһаны дуоһунастаах сирэйгэ атын физическэй сирэйдэр оҥоруулара буолар. Кыайыылаахтары наҕараадалааһын
Аан дойдутааҕы коррупцияны утары охсуһуу күнүгэр сөп
түбэһиннэрэн буолара сабаҕаланар
(ахсынньы 9 күнэ). Үлэлэри бэс ыйын 1 күнүттэн алтынньы 1 күнүгэр диэри күрэх официальнай
сайтыгар www.anticorruption.life тиксэриэххэ сөп.
Күрэх быраабылалаларын кытары сиһилии
ыйыллыбыт сайтка уонна www.genproc.gov.ru/anticor/konkurs-vmeste-protiv-korrupcii
сайтка билсиэххитин
сөп. Ыытыллар күрэх ыччат эрэ болҕомтотун
буолбакка улахан дьон болҕомтотун
эмиэ тардыа уонна уопсустубаҕа
коррупция көстүүтүн ылыммат буолууну сөргүтүө диэн эрэнэбит!
Просмотров всего: , сегодня:
Дата создания: 25.04.2019
Дата обновления: 25.04.2019
Дата публикации: 25.04.2019